Мазмұнға өту
Confidence заң компаниясы
Басты бетБизнеске арналған шешімдерКәсіби тәжірибеМәселені талқылау
RU|ҚАЗ|EN
МәзірЖабу
Басты бетБизнеске арналған шешімдерКәсіби тәжірибеМәселені талқылау

ҚҰПИЯЛЫЛЫҚ ЖӘНЕ ДЕРБЕС ДЕРЕКТЕРДІ ӨҢДЕУ САЯСАТЫ

2026 жылғы 16 қазандағы редакция

1. Жалпы ережелер

1.1. Осы Саясат Қазақстан Республикасының заңнамасына сәйкес CONFIDENCE Law Company интернет-сайтына (бұдан әрі — Сайт) келушілердің дербес деректерін жинау, өңдеу, сақтау және қорғау тәртібін айқындайды.

1.2. CONFIDENCE Law Company — заң қызметтерін көрсету жөніндегі кәсіби қызметті жүзеге асыру кезінде пайдаланылатын коммерциялық атау.

Сайт пайдаланушыларының дербес деректерін жинауды және өңдеуді Сайт тиесілі тұлға (бұдан әрі — Иесі) Қазақстан Республикасының заңнамасына және осы Саясатқа сәйкес жүзеге асырады.

1.3. Осы Саясат пайдаланушылар Сайтқа кіргенде және кері байланыс нысанын пайдаланғанда олардың дербес деректерін өңдеуге қолданылады. Заң қызметтерін көрсету шеңберінде дербес деректерді өңдеу Қазақстан Республикасының заңнамасына сәйкес тиісті шарттармен және өзге де құжаттармен қосымша реттелуі мүмкін.

1.4. Пайдаланушының осы Саясатпен танысуы өздігінен дербес деректерді жинауға және өңдеуге келісім беру болып табылмайды. Қазақстан Республикасының заңнамасында көзделген жағдайларда дербес деректерді өңдеу дербес деректер субъектісінің келісімі негізінде жүзеге асырылады.

2. Терминдер және өңдеу қағидаттары

2.1. Осы Саясаттың мақсаттары үшін мынадай негізгі ұғымдар пайдаланылады:

Дербес деректер — белгілі бір немесе олардың негізінде айқындалатын дербес деректер субъектісіне қатысты мәліметтер.

Дербес деректерді өңдеу — дербес деректерді жинақтауға, сақтауға, өзгертуге, толықтыруға, пайдалануға, таратуға, иесіздендіруге, бұғаттауға және жоюға бағытталған әрекеттер.

2.2. Дербес деректерді жинау және өңдеу заңдылық, құпиялылық, өңдеу мақсаттарының алдын ала айқындалған және заңды мақсаттарға сәйкестігі, сондай-ақ өңделетін дербес деректердің көлемі мен мазмұнының оларды өңдеу мақсаттарына сәйкестігі қағидаттары негізінде жүзеге асырылады.

2.3. Дербес деректерді өңдеу Қазақстан Республикасы заңнамасының және осы Саясаттың талаптарын сақтай отырып, автоматтандыру құралдарын пайдалану арқылы немесе оларды пайдаланбай жүзеге асырылады.

3. Жиналатын деректердің санаттары

3.1. Сайттың кері байланыс нысанын пайдаланған кезде пайдаланушы өтінішті қарау және жауап жіберу үшін қажетті атын және байланыс деректерін (электрондық пошта мекенжайын және (немесе) телефон нөмірін) ұсынады. Қосымша пайдаланушы компанияның атауын және өтініш мәтінінде өзге де ақпаратты көрсете алады.

3.2. Пайдаланушыға кері байланыс нысаны арқылы өтінішті бастапқы қарау үшін қажет емес дербес деректерді және өзге де құпия ақпаратты бермеу ұсынылады. Қосымша мәліметтер беру қажет болған жағдайда оларды беру тәртібі Иесімен бөлек келісілуі мүмкін.

3.3. Сайтқа кірген кезде IP-мекенжай, пайдаланылатын браузер мен құрылғы туралы мәліметтер, кіру күні мен уақыты, сұратылған беттер туралы мәліметтер және Сайттың жұмыс істеуі мен қауіпсіздігін қамтамасыз ету үшін қажетті өзге де техникалық деректер автоматты түрде жиналуы және өңделуі мүмкін.

3.4. Cookies файлдарын және веб-талдау құралдарын пайдалану тәртібі осы Саясаттың 7-бөлімінде айқындалады.

4. Дербес деректерді өңдеудің мақсаттары мен негіздері

4.1. Пайдаланушы Сайттың кері байланыс нысаны арқылы ұсынған дербес деректер өтініштерді алу және қарау, жауаптарды дайындау және жіберу, сондай-ақ пайдаланушының сұрауы бойынша заң қызметтері және оларды көрсету шарттары туралы ақпарат беру мақсатында өңделеді.

4.2. Пайдаланушылардың техникалық деректері Сайттың жұмыс істеуі мен қауіпсіздігін қамтамасыз ету, техникалық қателерді анықтау және жою, сондай-ақ оның функционалдық мүмкіндіктерін заңсыз пайдаланудың алдын алу мақсатында өңделуі мүмкін.

4.3. Қазақстан Республикасының заңнамасында дербес деректерді келісімсіз жинауға және өңдеуге жол берілетін жағдайларды қоспағанда, оларды жинау және өңдеу дербес деректер субъектісінің келісімі негізінде жүзеге асырылады.

4.4. Пайдаланушы кері байланыс нысаны арқылы ұсынған дербес деректер пайдаланушының тиісті келісімі алынбай жарнамалық және маркетингтік хабарламалар жіберу үшін пайдаланылмайды.

5. Дербес деректерді жинау және пайдалану тәртібі

5.1. Дербес деректерді пайдаланушы кері байланыс нысанын толтыру және жіберу кезінде тікелей ұсынады, сондай-ақ олар пайдаланушының Сайтпен техникалық өзара іс-қимылы кезінде автоматты түрде қалыптасуы мүмкін.

5.2. Иесі алынған дербес деректерді тек осы Саясатта көзделген мақсаттарда пайдаланады. Кері байланыс нысаны арқылы алынған мәліметтер жария таратуға арналмаған және Қазақстан Республикасының заңнамасында және осы Саясатта көзделген жағдайларды қоспағанда, үшінші тұлғаларға ашылмайды.

5.3. Иесі өтінішті қарау үшін қажетті ақпаратты нақтылау мақсатында пайдаланушыға жүгіне алады. Сайт арқылы өтініш жіберу өздігінен Иесінің заң көмегін көрсету жөніндегі тапсырманы қабылдағанын немесе заң қызметтерін көрсету туралы шарт жасалғанын білдірмейді.

5.4. Пайдаланушы үшінші тұлғалардың дербес деректерін ұсынған жағдайда оларды өңдеу Қазақстан Республикасы заңнамасының талаптарын сақтай отырып жүзеге асырылады. Иесі артық мәліметтерді өңдеуді шектеуге және пайдаланушыға өтінішін нақтылауды не оны қарау үшін қажет емес ақпаратсыз қайта жіберуді ұсынуға құқылы.

6. Деректерді беру және құпиялылық

6.1. Пайдаланушылардың дербес деректері үшінші тұлғаларға олардың дербес жарнамалық немесе маркетингтік мақсаттарында пайдалану үшін сатылмайды және берілмейді.

6.2. Сайттың жұмыс істеуін және өтініштерді өңдеуді қамтамасыз ету мақсатында дербес деректерге қолжетімділік Сайтқа техникалық қызмет көрсететін, хостинг, электрондық пошта және ақпараттық қауіпсіздік қызметтерін ұсынатын тұлғаларға тиісті функцияларды орындау үшін қажетті көлемде, Қазақстан Республикасының дербес деректер және оларды қорғау туралы заңнамасының талаптарын сақтай отырып берілуі мүмкін.

6.3. Дербес деректерді мемлекеттік органдарға және өзге де уәкілетті тұлғаларға беру Қазақстан Республикасының заңнамасында көзделген жағдайларда және тәртіппен жүзеге асырылады.

6.4. Иесі Қазақстан Республикасының дербес деректер және заң консультантының кәсіби қызметі туралы заңнамасының талаптарын ескере отырып, кері байланыс нысаны арқылы алынған мәліметтердің құпиялылығын қамтамасыз етеді. Заң консультантының кәсіби құпиясын құрайтын мәліметтер Қазақстан Республикасының заңнамасына сәйкес қорғалуға жатады.

7. Cookies және техникалық құралдар

7.1. Сайтты пайдалану кезінде оның дұрыс жұмыс істеуін, қауіпсіздігін және пайдалану ыңғайлылығын қамтамасыз ету үшін қажетті cookies файлдары және өзге де техникалық құралдар қолданылуы мүмкін.

7.2. Cookies файлдарын және өзге де техникалық құралдарды пайдалану Қазақстан Республикасының заңнамасына сәйкес жүзеге асырылады. Пайдаланушылардың дербес деректерін жинауды және өңдеуді көздейтін технологиялар қолданылған жағдайда мұндай өңдеу заңнамада көзделген құқықтық негіздер болған кезде жүзеге асырылады.

7.3. Пайдаланушы өз браузерінің баптаулары арқылы cookies файлдарын пайдалануды шектей немесе өшіре алады. Бұл ретте жекелеген cookies файлдарын өшіру Сайттың дұрыс жұмыс істеуіне әсер етуі мүмкін.

8. Дербес деректерді сақтау және өңдеу мерзімдері

8.1. Дербес деректерді сақтау Қазақстан Республикасы заңнамасының талаптарын, оның ішінде дербес деректерді Қазақстан Республикасының аумағында орналасқан базада сақтау талаптарын сақтай отырып жүзеге асырылады.

8.2. Кері байланыс нысаны арқылы алынған дербес деректер өтінішті қарау және оларды өңдеу мақсаттарына қол жеткізу үшін қажетті мерзім бойы сақталады. Қазақстан Республикасының заңнамасында көзделген негіздер болған кезде, оның ішінде заңда белгіленген міндеттерді орындау немесе заңды құқықтар мен мүдделерді қорғау мақсатында одан әрі сақтауға жол беріледі.

8.3. Өңдеу мақсаттарына қол жеткізілгенде немесе заңнамада көзделген өзге де негіздер туындағанда, Қазақстан Республикасының заңнамасында деректерді одан әрі сақтауға жол берілетін немесе сақтау талап етілетін жағдайларды қоспағанда, дербес деректерді өңдеу тоқтатылады, ал деректер жойылуға жатады.

9. Дербес деректерді трансшекаралық беру

9.1. Жекелеген техникалық сервистерді пайдалану кезінде Сайт пайдаланушыларының дербес деректерін трансшекаралық беру қажеттілігі туындауы мүмкін.

9.2. Дербес деректерді трансшекаралық беру тек Қазақстан Республикасының заңнамасында көзделген негіздер болған кезде және «Дербес деректер және оларды қорғау туралы» Қазақстан Республикасы Заңының 16-бабының талаптарын сақтай отырып жүзеге асырылады.

10. Дербес деректерді қорғау

10.1. Иесі Қазақстан Республикасы заңнамасының талаптарына сәйкес дербес деректерді заңсыз қол жеткізуден, өзгертуден, таратудан, жоюдан және өзге де заңсыз әрекеттерден қорғау жөніндегі қажетті ұйымдастырушылық және техникалық шараларды қабылдайды.

10.2. Дербес деректерге қолжетімділік құпиялылық және дербес деректерді қорғау талаптарын сақтай отырып, тиісті функцияларды орындау үшін олар қажет болатын тұлғалармен шектеледі.

11. Дербес деректер субъектісінің құқықтары

11.1. Пайдаланушы өз дербес деректерінің болуы және өңделуі туралы ақпарат алуға, Қазақстан Республикасының заңнамасында көзделген жағдайларда оларды өзгертуді, толықтыруды, бұғаттауды немесе жоюды талап етуге, дербес деректерді жинауға және өңдеуге келісімін кері қайтарып алуға, сондай-ақ Қазақстан Республикасының заңнамасында көзделген өзге де құқықтарды жүзеге асыруға құқылы.

11.2. Дербес деректерді жинауға және өңдеуге келісімді кері қайтарып алу Қазақстан Республикасының заңнамасында белгіленген тәртіппен және шектеулерді ескере отырып жүзеге асырылады. Қазақстан Республикасының заңнамасында дербес деректерді өңдеуге жол берілетін немесе өңдеу талап етілетін жағдайларда келісімді кері қайтарып алу олардың өңделуін тоқтатуға әкеп соқпайды.

11.3. Өз құқықтарын іске асыру үшін пайдаланушы осы Саясаттың 13-бөлімінде көрсетілген байланыс деректері бойынша өтініш жібере алады. Иесі артық дербес деректерді талап етпей, өтініш берушіні сәйкестендіру және оның өтінішін қарау үшін қажетті мәліметтерді сұратуға құқылы.

12. Саясатты өзгерту

12.1. Иесі осы Саясатқа, оның ішінде Қазақстан Республикасының заңнамасы, Сайттың функционалдық мүмкіндіктері немесе дербес деректерді өңдеу тәртібі өзгеруіне байланысты өзгерістер мен толықтырулар енгізуге құқылы. Саясаттың қолданыстағы редакциясы оның жаңартылған күні көрсетіле отырып Сайтта орналастырылады.

12.2. Осы Саясаттың өзгеруі өздігінен дербес деректерді жаңа мақсаттарда немесе жаңа шарттармен өңдеуге негіз болып табылмайды. Қазақстан Республикасының заңнамасында көзделген жағдайларда мұндай өңдеу дербес деректер субъектісінің тиісті келісімі алынғаннан кейін жүзеге асырылады.

13. Байланыс мәліметтері

13.1. Сайттың Иесі және пайдаланушылардың дербес деректерін жинауды және өңдеуді жүзеге асыратын тұлға — CONFIDENCE Law Company коммерциялық атауымен кәсіби қызметті жүзеге асыратын заң консультанты Бейсенбаев Мади Абдукалиевич.

13.2. Дербес деректерді жинау және өңдеу, дербес деректер субъектісінің құқықтарын іске асыру, оның ішінде келісімді кері қайтарып алу мәселелері бойынша пайдаланушы мына электрондық пошта мекенжайына жүгіне алады: lawyer@confidence.kz.

13.3. Сайттың мекенжайы: www.confidence.kz.

14. Қорытынды ережелер

14.1. Сайт пайдаланушыларының дербес деректерін жинау және өңдеу Қазақстан Республикасының заңнамасына сәйкес жүзеге асырылады.

14.2. Осы Саясаттың ережелері Қазақстан Республикасы заңнамасының талаптарына қайшы келген жағдайда Қазақстан Республикасы заңнамасының тиісті нормалары қолданылады.

Confidence заң компаниясы

Бизнесті құқықтық сүйемелдеу

Байланыс деректері

+7 771 999 66 92lawyer@confidence.kzАлматы, Қазақстан

Біз желідеміз

  • Instagram
  • Facebook
  • LinkedIn
Құпиялылық саясаты|Құқықтық ескерту

© 2026 Confidence. Барлық құқықтар қорғалған.